Drejtoria e Pergjithshme e Metrologjise eshte institucion i specializuar qe zotëron aftësi dhe ekspertizën e nevojshme për t’u përdorur si referencë për të gjitha transmetueshmëritë e matjeve në Shqipëri. DPM punon për zhvillimin e tre drejtimeve të metrologjisë në vendin tonë: metrologjisë shkencore, industriale dhe metrologjisë ligjore.
Misioni i Drejtorise së Pergjithshme të Metrologjisë është:
- Të ruajë dhe përdorë etalonet kombëtare të njësive të matjeve;
- Të mbrojë konsumatorët nëpermjet organizimit të kontrollit të instrumenteve matës në fushat e transaksioneve zyrtare dhe tregtare, mbrojtjen e shëndetit, mjedisit dhe sigurisë teknike, si dhe kontrollin sasior të parapaketimeve;
- Të ofrojë sherbime të kalibrimit prodhuesve dhe përdoruesve të mjeteve matëse për të qënë konkurues në tregun e brendshëm dhe të jashtëm.
Aktiviteti i kësaj drejtorie luan nje rol kyç në përmbushjen e kritereve të politikave qeveritare sektoriale, të cilat synojnë liberalizimin e ekonomisë vendase në tregjet ndërkombëtare. Kjo për vendin tonë merr një rëndësi primare, sidomos në periudhën aktuale të proçesit të përmbushjes së detyrimeve që rrjedhin nga nënshkrimi i Marrëveshjes së Stabilizim Asociimit, periudhe që konsiderohet si një sfidë e shtetit dhe shoqërise Shqiptare drejt integrimit sa më të shpejtë në familjen Europiane.
|
|
